ESPN：曼聯有意出售迪基亞

筆者早前有評論講過迪基亞的離隊可能，而根據espn的報導，曼聯想賣走迪基亞的風聲亦越來越緊。據報，22歲的迪基亞之所以被放上出售名單之中，是因為他在英國遲遲未能適應生活，英文亦學得不好，令他非常灰心。而亦有英國傳媒透露，迪基亞掛念身在馬德里的歌星女友艾杜妮，令他回到馬德里的機會大增。
你幾時返來啫？
而爵爺自己亦有不留此將的原因，據講他不滿迪基亞在比賽中有好多不必要的失誤，正如對熱刺一役，對方逼和的一球就因為手鎚打得不遠而被攻入。這個情況，espn形容為類似當年侯活的情況，在2003-04賽季，因為歐聯比賽中侯活的大意失波、令曼聯歐聯出局，使這名門將無法再爭取到正選機會，用卡路爾代替他直到雲達沙的加盟。

既然有意出售正選門將，當然大家都在估計下一任的紅魔鋼門人選，不過據報紅魔未曾與巴塞的域陀華迪斯接觸，而傳聞中會離隊的卡斯拿斯亦未有接觸。反而史篤城嘅比高域仍然是大熱之選…不過就算轉會，都會係賽季完結後的事情了。
如果...真係...萬一...買咗你...都唔知好嬲定好笑了