曼聯昨晚作客熱刺一戰中用保守戰術，晌領先一球後就力守，希望守住3分勝局，點知曼後晚節不保，晌93分鐘俾丹普西射入，由贏波變成和波而回，賽後費sir表明對和波一事感覺好遺憾，一方面佢認為曼聯應該要好好利用反擊機會入波，鎖定勝局，另一方面佢又覺得旁證漏判了曼聯一個12碼。
費sir就話喇，「我哋原本係有機會透過打反擊機會將比分擴大，之不過最後一傳總係傳得唔好，我哋踢得好努力，熱刺亦都係一樣，呢場波的確係一場非常困難同艱苦嘅比賽，熱刺不斷將波斬入禁區，我們就一直將個波踢出嚟解圍。好可惜嘅係，我哋唔可以將佢哋最後一擊好好解圍，未能晌補時階段守得住，不過對手係一支好積極同高質數嘅球隊，又有一班出色嘅球員，加上場地問題，令到我哋今場波踢得好辛苦。」
至於晌比賽入面，後備入替嘅朗尼其中一次入禁區推波時，被熱刺後衛哥古卡剷跌，費sir就認為呢個係一個好明顯嘅12碼，佢仲對旁證貝斯好不滿：「嗰一球好明顯就係12碼喇，佢剷朗尼時完全掂唔到個波，只係掂到朗尼隻腳! 旁證明明就對住佢哋，一定會睇得好清楚，佢今日嘅表現的確好差，我記得佢，佢上季對車路士嘅時候，杜奧巴好明顯越位，但佢就判個波入球有效，我對他嘅表現十分失望，我哋下半場根本無得過任何嘢! 」
今場波被熱刺追和之後，曼聯嘅領先優勢縮減到5分，費sir認為未來嘅賽程，對曼聯爭冠有利：「除咗對阿仙奴外，我們已經同所有前列球隊踢咗作客比賽。我對於賽果都算有啲高興，贏得嘅積分都幾好，呢方面係我哋嘅優勢。另一方面，今場波落大雪，賽前我都希望比賽可以照常進行，因為我唔希望比賽積壓一起比賽。」
費sir就話喇，「我哋原本係有機會透過打反擊機會將比分擴大，之不過最後一傳總係傳得唔好，我哋踢得好努力，熱刺亦都係一樣，呢場波的確係一場非常困難同艱苦嘅比賽，熱刺不斷將波斬入禁區，我們就一直將個波踢出嚟解圍。好可惜嘅係，我哋唔可以將佢哋最後一擊好好解圍，未能晌補時階段守得住，不過對手係一支好積極同高質數嘅球隊，又有一班出色嘅球員，加上場地問題，令到我哋今場波踢得好辛苦。」
至於晌比賽入面，後備入替嘅朗尼其中一次入禁區推波時，被熱刺後衛哥古卡剷跌，費sir就認為呢個係一個好明顯嘅12碼，佢仲對旁證貝斯好不滿：「嗰一球好明顯就係12碼喇，佢剷朗尼時完全掂唔到個波，只係掂到朗尼隻腳! 旁證明明就對住佢哋，一定會睇得好清楚，佢今日嘅表現的確好差，我記得佢，佢上季對車路士嘅時候，杜奧巴好明顯越位，但佢就判個波入球有效，我對他嘅表現十分失望，我哋下半場根本無得過任何嘢! 」
今場波被熱刺追和之後，曼聯嘅領先優勢縮減到5分，費sir認為未來嘅賽程，對曼聯爭冠有利：「除咗對阿仙奴外，我們已經同所有前列球隊踢咗作客比賽。我對於賽果都算有啲高興，贏得嘅積分都幾好，呢方面係我哋嘅優勢。另一方面，今場波落大雪，賽前我都希望比賽可以照常進行，因為我唔希望比賽積壓一起比賽。」
請按此登錄後留言。未成為會員? 立即註冊