韋拿斯波亞斯：朗尼同法卡奧？一樣囉！ 精選

咩一樣？原來唔係講腳法、威脅力，入球能力，而係講…唔識射十二碼！佢咁講：「我都唔知點解，當年打波圖時法卡奧都係唔識入十二碼。可能因為平時進攻有後衛，佢哋反而可以預計到佢哋嘅動作，有嘢憑藉先識攻門。如果淨係得個龍門同個波，佢哋就唔知點去處理。我估係咁啦…」

當問到點去幫法卡奧，波亞斯嘅答案竟然係：唔要佢！佢咁講：「點幫佢？無噃，唔駛佢射十二碼就得啦！搵另一個做！原本就係候克同佢射，不過佢成日射失，咁我咪叫候克射哂佢囉！」唔知呢個可唔可以俾爵爺一個參考呢？最慘係雲佩斯都射失，咁可以搵邊個？小豆？

不過唔講十二碼嘅問題，原來朗尼係波亞斯最驚嘅球員之一：「好似首回合咁，佢下半場後備出陣，就令熱刺多咗好多麻煩。因為朗尼係一個唔介意犧牲自己嘅球員，佢會為隊伍、為勝利犧牲一切。佢再加上雲佩斯的組合真係好強、好強。單就個人能力而言已經非常恐怖。」不過昨天的比賽入面，無態嘅朗尼真係俾唔到咩威脅熱刺，而和波筆者覺得都係一個可接受的賽果。經過今役之後，希望朗尼可以好似波亞斯咁講，同法卡奧一樣咁恐怖啦！
昨晚都守得幾好架喇！不過可以攻得更好！