紅魔新紀錄：22場波55分！ 精選

當大家都好留意今年曼聯的防守唔強、成日失波、十二碼又唔識入的同時，原來紅魔已經靜靜雞破咗一次紀錄，就係得分紀錄！打22場得55分，原來係英超成立後曼聯的最佳得分紀錄！自1991年到今，只有8次22場波攞多過50分，而今年就係8次之中攞得最多嘅。

對上一次多，就係2006/07球季，當年就攞到54分，而最後曼聯係贏得冠軍嘅！而1993/94球季，就得53分！2006/07球季，22場54分！1993/94球季都幾好成績！
不過都唔好咁老定，攞得分多唔代表坐定粒六，因為上季呢一刻，紅魔都係22戰得51分，實力強橫，不過就係因為一不小心就輸咗冠軍出去…所以話，紀錄呢啲嘢睇下就好喇！最緊要就係望住前面一場比賽嚟打，唔好再俾藍月亮有機可乘！
呢一幕大家都唔想再見到...所以今年一定要早早搶走冠軍先得！