爵爺：傑斯會打多年！ 精選

筆者當年見到舒寧咸在超聯打到三十八歲已經十分敬佩，但畢竟一山還有一山高，見到今時今日的傑斯同史高斯都仲繼續打緊就知道。其中又以傑斯最令人驚訝，爵爺好似好肯定39歲嘅佢會續多年約咁噃！咁多年嚟，佢都係英超的頂級人物之一！
過咗星期三嘅比賽之後，爵爺話：「傑斯會打多年！我見唔到佢有跌watt的情況出現，佢喺比賽入面表現出好強嘅體能同態度，佢仲有好高質素，各方面都非常平衡。最重要係佢仲有好強的渴求，你覺得你搵到個咁無敵嘅人類咩？」傑斯自己都話：「我好享受呢一刻！比之前所有的時候更加享受！FA Cup又好，奧脫福又好，唔享受，不如執包袱好過啦！」

40歲都仲可以在英超呢啲頂級聯賽比賽，真係唔容易架！好似對韋斯咸佢助攻俾雲佩斯嘅一腳長傳真係妙到毫巓！今季已經上陣16次比賽嘅佢，一早已經打破上陣次數的紀錄，計埋後備上陣同所有比賽，佢已經代表曼聯上陣925次！第二嘅卜比查爾頓都只係758次！而佢入波共165個，係曼聯有史以來第8多嘅球員！如果再續約，睇嚟要衝擊950次上陣次數都唔係難事！