傑斯：續約之後先算喇! 依家要享受足球俾我嘅快樂! 精選

曼聯陣中三位老將傑斯、史高斯同里奧都係今季尾就合約滿喇，由於佢哋遲遲未續約，外界就有好多揣測都估佢哋三個季尾就會離開曼聯，但近日主角之一嘅傑斯就對此事發表咗意見喇。

據英國《太陽報》報導，傑斯晌接受記者訪問嘅時侯，好真誠咁多謝費SIR承諾依然會俾佢出場機會，不過依家嘅佢，只會是繼續享受足球為佢帶嚟嘅快樂，至於續唔續約一事，等到季尾同合約滿先嘅空擋期再決定去向。
傑斯今季為曼聯上陣14次，帶出1 個助攻
依家39歲嘅傑斯，今季依然獲得上陣機會，本季已經為為曼聯出戰14場比賽，貢獻咗1次助攻。晌接受記者訪問時，被問及佢合約就嚟到期，傑斯就好輕鬆咁答：「我需要衡量一下自己嘅狀態，睇睇自己對球隊嘅貢獻仲有幾多，及後我都會問問費SIR嘅意見。我好享受依家呢一刻，離賽季完仲有大半個月嘅時間，你永遠都唔知末來發生咩事。當然我依然好努力咁訓，會晌比賽中盡力為球隊做出貢獻，帶嚟贏波機會。」
http://www.youtube.com/watch?v=DPf-lrsAId0傑斯呢個助攻，令曼聯可以晌足總盃賽事得到重賽機會。
另外，佢對於費SIR咁俾機會佢，等佢可以繼續晌場上表現自己好狀態一事，大表讚賞，佢就講喇，「哈哈，晌某種程度上我嘅表現甚至比球隊入面嘅年輕球員仲好，因為費SIR知道我可以為球隊帶出同年青球員唔同嘅幫助。但係無可否認，我要好好保持自己嘅身體狀態，只要稍一不慎，我就唔可以再同呢班年輕球員競爭喇。」
費SIR仍希望傑斯嘅經驗，晌場上可以幫到年輕球員!