「雙紅會」經典場面,你又記得幾多? (下集——2007-2012年)

曼聯專區 於 11/01/2013 發表 收藏文章
今個周日就會上演「雙紅會」大戰,曼聯將晌主場迎戰利物浦。呢兩隊波嘅對碰一直都係球迷嘅焦點,早前有網站將咁多年嘅比賽做咗個回顧,依家就趁呢個機會,同大家回顧一下近年兩支紅軍嘅對碰場面喇。

2007年3月3日 利物浦0-1曼聯 奧沙絕殺
呢場波原本曼聯全場被人壓住嚟打,史高斯仲因為侵犯沙比阿朗素而被紅牌趕離場,不過奧沙晌完場前絕殺,令紅魔戲劇性贏波而回。
http://www.youtube.com/watch?v=rKNByqLL6UA
2009年3月14日 曼聯1-4利物浦 紅魔晌主場慘敗
呢場都可以話係曼聯史上晌主場輸得好慘烈嘅一場波,雖然當時c朗拿度先有12碼為曼聯先開紀錄,但及後托利斯同謝拉特上半場入波就反超前,謝老四仲特地晌鏡頭上獻吻,之後曼聯仲有維迪紅牌打少個,曼終要晌主場輸1-4而回。
http://www.dailymotion.com/video/x8o3zt_manchester-united-1-4-liverpool-hig_sport#.UO72EeQ4vlc

2009年10月25日 利物浦2-0曼聯 維迪紅牌「帽子戲法」
呢場波輸之餘,仲有2大焦點,一就係維迪晌臨完場前「兩黃變一紅」,連續工場對利物浦嘅賽事都成為「紅牌阿姑」,創出歷史,而另一焦點就係奧雲首次以紅魔球員身份後備入替,重歸晏菲路球場。
http://www.youtube.com/watch?v=9MizVgzQrj0
2010年9月19日 曼聯3-2利物浦 貝碧托夫成64年來第一個人「大三元」
呢場波入球梅花間竹,先有曼聯靠貝碧托夫入兩球領先,但謝拉特之後以12碼同罰球扳平,最終貝碧托夫精彩倒掛,助曼聯贏3-2,自己亦個人上演「帽子戲法」,成為64年來第一個對利物浦入三球嘅曼聯球員。
http://www.dailymotion.com/video/xojetx_video-manchester-united-3-liverpool-2-2010_sport#.UO72xeQ4vlc
2011年3月6日 利物浦 3-1 曼聯 古積特帽子戲法
古積特呢場波入三球,成為英超史上第二位能在曼聯身上上演帽子戲法的球員。而當時1月轉投利記嘅蘇亞雷斯晌呢場波嘅表現,令曼聯後防一團糟,亦成為焦點,而兩隊晌場上嘅火藥味亦好勁,先有蘭尼被飛鏟,而拉菲爾犯規亦引發衝突,攪到場波5分鐘內出現4張黃牌。
http://www.youtube.com/watch?v=kPkgvM0e0nA

2011年10月15日 利物浦1-1曼聯 蘇亞雷斯種族歧視遭禁賽
蘇亞雷斯同艾夫拿嘅恩怨源於成為比賽焦點,呢位烏拉圭前鋒晌比賽中用種族主義語言侮辱艾夫拿,仲晌比賽發生衝突,賽後艾夫拿對蘇亞雷斯表達控訴,英足總仲對蘇亞雷斯處以8場停賽嘅處罰。
2012年2月11日 曼聯2-1利物浦 蘇亞雷斯艾夫拿續集
之前被停賽8場嘅蘇亞雷斯一直都不服氣,晌開賽前拒絕同艾夫拿握手,雙方差啲又起爭執,兩人之間嘅恩怨再度超越比賽戰況。而賽後艾夫拿亦特意挑釁嘅慶祝動作,亦記憶猶新。
http://www.youtube.com/watch?v=5LxWJxUvAbI
2012-13賽季英超第5輪賽事 利物浦1-2曼聯 蘇亞雷斯終於肯同艾夫拿握手
2012-13賽季英超第5輪賽事,利物浦主場對曼聯。咁啱場波之前希斯路慘劇一案有新判決,令場波舉行多了一層意義,而蘇亞雷斯亦晌賽前同艾夫拿握手,最終利物浦有舒爾菲被罰紅牌,曼聯就落後下靠拉菲爾同雲佩斯12碼反勝2-1。
http://www.youtube.com/watch?v=tiJnDziLdPI
標籤: 曼聯  利物浦  

留言


請按此登錄後留言。未成為會員? 立即註冊
    快捷鍵:←
    快捷鍵:→