十二道金牌召…碧咸？？ 精選

古時有十二道金牌召岳飛，今日有12個offer俾碧咸！據報，萬人迷下星期將會決定下一站的去向，而佢總共收到12個offer！而且轉會要求嚟自世界各地，有歐洲、南美、北美、南非、俄羅斯、中東甚至中國！所以話，碧咸已經成為世界上最吸引的球員絕不為過！當然，傳聞中嘅墨爾本雄心同巴黎聖日耳門都有出價啦！

而據英國《太陽報》報導，卡塔爾聯賽一啲大老闆睇中碧咸嘅號召力，認為有佢加盟會令其他人對其聯賽嘅關注度提升，從而更願意為「萬人迷」開出一份為期兩年、年薪總额達2000萬英镑嘅豐厚合約。
萬人迷會點揀？佢就透露出一個首要條件：一家人一定要定居在倫敦！因為囝囝都開始大，碧咸好想佢哋在倫敦讀書，所以定居地會在倫敦。不過據講英超球隊有出合約嘅只有韋斯咸同昆士柏流浪，所以傳媒都不看好萬人迷回歸英超。咁講，最大可能唔通真係最近英國嘅…法國？？廿四孝老豆，當然係睇仔份上先！