雲佬都話畢特拿好！ 精選

畢特拿嚟到曼聯雖然上陣次數唔多，不過好多紅魔粉絲都愛上呢位新左閘！而對韋斯咸一役打足全場，令雲佬都對佢另眼相看！呢個雲佬唔係雲佩斯，而係前雲佬雲尼斯達萊！

佢話：「阿力山大(畢特拿)喺曼聯有個好開始，只要假以時日佢一定會成為曼聯的好球員。一入隊就可以打歐聯，真係唔簡單！對佢而言，呢個係夢想成真嘅好機會。佢有能力，依家學習對佢係最重要嘅。加埋經驗、技術，佢一定係曼聯的未來主力之一。」

雲佬之所以讚佢，無非都係因為佢都係同鄉！同樣身為荷蘭人，成魔的畢特拿自然成為雲佬的關心對象之一。不過佢嘅潛質雖然得到認同，要出人頭地都係要加啲油，因為除咗扭過幾個後衛入波嘅一幕令大家記得之外，佢嘅防守力比起艾夫拿仍然有好大差距。既然雲佬都支持你，你一定要加油呀畢特拿！
後生仔！挨下有幫助架！