(非曼聞) 文帥腦殘逐格睇! 曼城打架唔止第一次

曼城晌卡靈頓訓練基地正在為足總盃第三輪比賽做準備，不過領隊文仙尼同和前鋒巴洛迪利發生激烈爭吵，大家仲互扯衣服同大爆粗口，幸好當場人員及時阻攔，先避免事情進一步惡化。

根據報導表示，衝突發生晌英國當地時間1月3日，當時曼城正在備戰下周嘅足總盃比賽，近排都無出戰嘅巴洛特利，唔知道發生咩事，突然間對隊友史葛冼佳亞來一個飛鏟，這一下嘅動作，令旁邊嘅主帥文仙尼非常慣怒，佢先係大聲斥責巴洛迪利，對佢不停地咆哮。巴神當然係唔好惹呀喇，佢及後又駁咀駁回文帥。發生激烈口角後，逐步升級去到出手，文仙尼先扯著巴神嘅訓練背心，似乎要巴神好好聽佢講嘢！當時脾氣暴躁嘅巴神亦完全唔顧身份，反手扯返文仙尼件衫，滿臉怒火想打文帥。及後在場球員同教練立刻出面分開佢哋兩個，兩人被拉開之後，文帥拂袖而去，回到休息室，但好明顯睇到佢依然喋喋不休唔忿氣，而巴神則去到停車場，晌佢架跑車直接離開。
文帥返入更衣室時條氣仲好唔忿氣...
而巴洛迪利亦慣頓駕車離去...

其實曼城打架事件唔係第一次呀喇，晌2011年1月，艾迪巴約就同高路托尼呢對舊隊友，晌眾目睽睽下打起架上嚟...
又係祖嚇特勸交...兩個之後繼續互不理睬...
最終文帥出嚟調解...
唔知文仙尼同契仔呢段關係，最後會係點呢? 文帥離隊，定契仔離隊? 睇怕傳媒對呢件事有排更進...