費SIR：雲佩斯係我哋嘅聖誕禮物 精選

依家踢咗18場比賽，曼聯以14勝1和3負得43分排晌第一，除咗後防失球數字比較嚴重外，其實球會嘅表現都的確幾好，就連費SIR都滿意，仲直言雲佩斯係球迷嘅聖誕禮物。
費SIR今夏就已經一早為紅魔迷準備定X'MAS禮物!
雲佩斯4個月以2400萬鎊轉投曼聯，短短加盟咗4個月，合共所有賽事已經為曼聯射入咗15個波，仲有交出助攻，但晌費SIR心目中，雲佩斯呢個表現，令佢晌轉會費上感覺絕對係洗得物超所值，儼如禮物一樣添：「我覺得我哋早就收到份聖誕禮物，仲要係早到夏天嘅時候就收咗今年禮物，呢份厚禮就係可以簽到雲佩斯。我都唔係成日點名讚一個人，但有時人真係咁好運，可以搵到最後自己心目中嘅最後版圖。」
合共所有賽事已經為曼聯射入咗15球，犀利!!!
「依家球季過咗一半，我不得不承認雲佩斯為曼聯晌爭標路上帶嚟變化，佢嘅適力的確超勁，同時亦係一位專業球員，有良好嘅生活習慣兼有責任感，帶領曼聯整體賽力更上一層樓。」

幸好對史雲斯那日，艾殊利威廉士無踢爆我哋份「聖誕禮物」，唔係聖誕快車期都唔知點過…
好彩雲佩斯當日無咩事...曼聯入波仲要靠你呀...