(抽籤後回應) 費SIR:買定好酒等摩帥

曼聯專區 於 21/12/2012 發表 收藏文章
噚日歐聯抽完籤,曼聯將會對皇家馬德里,呢場波淨係聽隊名都知難打,但睇波球迷就必定好開心,事關「強強對碰」,對曼迷嚟講有喜有悲,咁唔知一眾人知道呢個抽籤結果後,又講咗咩說話呢?

費SIR:
「呢個對碰絕對係呢一圈賽事最強戲碼,好高興一眾曼聯球迷可以晌奧脫福見到C朗回歸,但對我嚟講,就係可以同摩帥再一次叙舊,睇嚟我要叫定啲好酒喇。

皇馬主席Emilio Butragueno布達堅奴:
「對FANS嚟講,見到呢個對碰一定好開心,事關呢場波真係好有吸引力,同埋對每一個人嚟講都會係一個好好嘅經驗。曼聯唔止係一支偉大球隊,仲係世上一間好有組織同好有知名度嘅球會。」

摩連奴:
「我都知皇馬抽籤唔會咁好彩呀喇,因為我哋從來都無運氣幫過我哋,今次亦一樣。對曼聯呢場波打得好好都唔夠,一定要出盡九牛二虎之力去對決,唔係你無可能贏到費sir。

里奧費迪南:
「正呀,我哋對皇馬!呢場比賽好令人期待。基斯坦奴,到時場上見喇,好兄弟!」

雲尼斯達萊
「捧曼聯定捧皇馬好呢?我究竟想邊一隊成功出線?我對我踢過呢兩間球會為榮。」

賽程:
曼聯 對 皇家馬德里
首回合賽事:
2月14日 03:45 皇家馬德里 對 曼聯
次回合賽事:
3月06日 03:45 曼聯 對 皇家馬德里

留言


請按此登錄後留言。未成為會員? 立即註冊
    快捷鍵:←
    快捷鍵:→