艾夫拿：呢六分無咗爵爺會炒哂我哋！

2011-2012賽季，離球季完結仲有6場比賽，曼聯領先曼城8分。不過最後，呢個成為一個令人最痛苦的結局，被後上追到更奪走了聯賽冠軍。今日，球季一半都未打完，雖然領先六分，不過上年的陰霾卻好明顯揮之不去。唔好話球迷，就連艾夫拿都好驚：

「我諗再輸返哂呢6分，爵爺定炒哂我哋換班全新嘅球員。我唔係講笑，我堅認真。一啲都唔好笑，因為為咗粉絲、為咗球員、為所有人，我哋都唔可以輸。無錯，聯賽有排都未完，仲有好多比賽。依家唔係擔心呢六分嘅時候，而係要好好準備星期六對新特蘭的比賽。

我好記得上年發生咩事，8分之差都輸咗個冠軍走，真係好傷。所以贏曼城係好事，唔單止俾佢哋個訊息我哋會一直戰鬥落去，可以破佢哋主場金身亦係好重要嘅。上年對藍月亮，我哋傾好多佢哋嘅嘢，佢哋點打、出咩人，不過今年我哋好簡單，只係諗自己。主動權在我們身上：我哋決定要向佢哋施壓，唔好俾佢哋空間踢波。之後要做嘅，就係把握每一個用到嘅波，轉化成入波。」

不過你真係驚被人炒咩？傳聞巴黎聖日耳門想你過檔噃！炒都唔驚啦？佢就咁回應：「要我返去巴黎？得，不過之前你要殺咗爵爺先！家陣我無嘢可以做，因為我仲有一年合約在身。我係紅魔隊長，我亦打得好開心。雖然被巴黎聖日耳門睇得起好開心，更重要係我自己都係巴黎人，有得返去呢個我好愛嘅城市都唔錯。」
唔殺咗佢，艾夫拿唔俾走噃。兄弟，做嘢！