費SIR：摩連奴可教曼聯!!! 精選

一講曼聯，唔係講中場史高斯個位邊個去接班呢，就係講費SIR嘅接班人，呢兩個「接班人」問題講嚟講去都講咗好多年…今日先同大家講後者「接班」，早前傳過蘇斯克查、哥迪奧拿、莫耶斯、摩連奴都係佢熱門接班人，就連「簡大帝」都話有興趣做埋一份…但日前費SIR開到聲講摩帥摩連奴，莫非佢先係真命天子?

費SIR日前講到摩帥就話喇，「摩連奴當然可以執教任何球會!! 依家我唔同為曼聯做任何預測喇，之但係我知嘅就係我唔可以永遠成為曼聯領隊，而摩連奴就的的確確有絕對能力可以教任何一間球會!!!」

「摩連奴的確好勁，我從來都無諗過一個未踢過波嘅人可以做教練做得咁成功，咁可能同佢個人性格有關，可能係佢性格將佢同足球之間嘅距離縮減…」摩連奴就係呢種人，佢有好強、好有感染力嘅個性，incredible。佢幾多歲？50。早我20年，如果佢以今時今日攞獎盃嘅速度，佢仲有42個可以拎！好厲害，係唔係？
摩連奴成就完全得到費SIR嘅肯定...

講到摩連奴，費SIR仲同大家「想當年」，「我仲好記得佢成為車路士教頭時開嘅第一個記者會，佢一喺就講自己係最得別嘅一個，永遠唔會輸掉任何比賽…當時佢幾大口氣呀，話晒佢都係第一次晌英格蘭教波，當時仲咁後生，一嚟就話自己係最特別嘅教練，但的的確確佢呢番話，打動咗佢麾下球員有贏英超冠軍嘅信念。」
摩連奴當年至今都好有自信...

外國傳媒仲特登將摩連奴之前講過嘅一番話重覆：「晌我教練生涯入面，所有時都係完美，唯獨一樣未做嘅就係帶領一間英國球會贏得歐聯冠軍，希望日後可以美夢成真喇…」費SIR講到咁，對摩帥讚不絕口，而佢本人又有興趣回英國執教，唔通佢就係「費SIR接班人嘅真命天子」???

但之前都有傳過摩帥會教曼城，代替文仙尼，所以都係嗰句，呢個「接班人」依家依然係一個謎…

「接班人」其實嚟到依家，依然係一個謎，睇嚟日後都會繼續有咁多呢啲報導...