爭崩頭！曼聯領隊好搶手！ 精選

早前講過蘇斯克查好想教紅魔，不過就想攞多啲經驗先。而摩連奴亦有好多傳媒睇好佢教曼聯並取得成功。不過大家應該無遺忘一個人，就係哥迪奧拿！根據一位消息人士指，車仔炒咗迪馬堤奧之後，好想哥迪奧拿去幫手，不過哥帥就想去曼聯！
消息人士係咁講：「曼聯有好長歷史，加上哥迪奧拿同爵爺關係好好，都令哥帥好想教紅魔。如果佢最後去車仔我會好驚訝，因為佢已經等緊成魔！」而外間估計，哥帥唔想教車路士的原因係阿巴莫域治影響力太大，球會的打法、買人、大小事務都插手，就係令哥帥卻步的原因。
成魔就好喇！
筆者就認為，車路士的換領隊風格亦令哥迪奧拿卻步，摩連奴就話叻仔，成就大成功之後急流勇退，逃過被炒；哥帥成績做得再好，都有個摩帥朱玉在前。如果可以代替幾十年來教曼聯的爵爺，帶領新紅魔皇朝，對哥帥而言又真係大吸引力好多嘅！教完巴塞教曼聯都咁成功，同教完車仔教皇馬的摩連奴正正係一大對比！唔怪得知就算要等，哥帥都照等啦！