高爾:同黑白雙煞相比? 遲啲先喇…

曼聯專區 於 23/11/2012 發表 收藏文章
大家記唔記得高爾 (ANDY COLE) 呢? 一講99年嘅話就大家一定知喇,佢咪就係99年同約基一齊組成黑雙煞嘅前鋒組台成員之一…曼迷一定無可能唔記得球隊99年嘅「三冠王」成績,當年佢兩個加埋「白雙煞」蘇斯克查同舒靈咸,前線入波功力絕對不成問題…今夏有雲佩斯加入後,曼聯都出現四前鋒:雲佩斯、朗尼、小豆同韋碧克,難免俾人攞嚟同99年比較,但99年成員之一嘅高爾就話:「係比較都唔係依家喇…」
當年高爾為曼聯入咗唔少波...

現年41歲嘅高爾就話喇,「當年我好榮幸可以同佢哋三位合作,佢哋全部都係好出色嘅前鋒,但當時大家評價我哋表現時,都係等到球季完結後先總結。所以依家評價佢哋四個都好唔啱,事關今季都未完結,如果有人問我哋佢哋好啲,定99年組合好啲,我都只會話季尾後先喇…晌季初或季中攞佢哋嚟比較係好唔公平。
大家又點睇呢8位球員???

咁之後就問到高爾有無邊個前鋒比較似,當然佢知大家係想點問小豆同蘇斯克查呢一PAIR喇,佢都好識做咁答:「小豆的確同蘇斯克查有啲似,兩個都係好好前鋒,以及入球能力好高。小豆經常以後備殺手姿態上陣,充滿活力,又勤力,加上場上走位好靈活,佢出場後的確俾到對手幾大威脅,佢已後備身份入到好多波絕對唔感到意外,正如同蘇斯克查一樣,以佢能力,要入波都唔係問題。」
後備殺手:小豆 VS 蘇斯克查

標籤: 高爾  曼聯  蘇斯克查  小豆  朗尼  雲佩斯  韋碧克  

留言


請按此登錄後留言。未成為會員? 立即註冊
    快捷鍵:←
    快捷鍵:→