「2R」夾到痺 齊齊違反交通規則 精選

「2R」朗尼同雲佩斯喺曼聯場上前線拍擋，亦曾經有朗尼助攻俾雲佩斯，大家亦公開話同對方踢波會越嚟越夾，估唔到佢哋周中國際賽就齊齊因傷退隊踢唔到，唔單止咁，兩個仲夾到齊齊違反交通規則…

先講雲佩斯，佢晌上個禮拜二跟曼聯大隊去到葡萄牙，踢對布拉加嘅歐聯作客大戰，及後當日佢就駕佢架Audi A5去到曼徹斯特機場，但唔知佢係睇唔到定太趕時間喇，冰之子竟然泊咗架車晌傷殘人士嘅專用車位，直至周四先返到嚟英國，同畢特拿一齊攞車駛車走，但咁樣就已經非法佔用咗嗰個車位3日。其實呢一種嘅車位係有好大、好明顯嘅黃色間線標誌作為辨別，所以今次雲佩斯亂咁泊架車，仲要俾人影到就真係老貓燒鬚。雲佩斯架車好明顯晌雙色間線標誌入面
.

至於佢嘅好兄弟朗尼又點呢? 朗尼有一日駛著佢架銀色賓利跑車晌曼徹斯特市入面行，行去到目的地療養院，佢就咁將佢停泊晌雙黃線嘅位置，有駕開車嘅朋友都知雙黃線係唔可以泊車呀喇，朗尼竟然日光日白之間做咁嘅事，當然最終就係晌佢個車頭玻璃到出現咗張「牛肉乾」喇…咁退多幾步周大家講，朗尼對罰款絕對交得起，又點會介意俾人罰呢???
估唔到佢兩個同一間球會只係3個幾月，唔止場上有默契，就呢泊車方面都咁有點契地齊齊違反交通規則…