里奧：今季完先傾續約喇… 精選

里奧費迪南今個季尾合約就屆滿，今年曼聯後防大多數時間都係由佢撐住，雖然球隊失波數字都唔細，之但係里奧可以係咁多個後衛入面防守表現最穩定一個，見到佢34歲仲有好表現，費SIR當然想留住佢，早早就已經公開講話會同里奧續約，之但係里奧一句表明：「今季完咗先傾喇!!! 」
費SIR已經公開話會同里奧續約...
里奧就話喇，「其實好開心聽到費SIR講話會同我續約呀，之但係仲有幾個月球季先結束，依家每個星期都有波打，要專心打波…到聖誕時先諗下呢個問題，之後去到下個夏季睇下嗰時嘅感覺係點。」
來季里奧仲會穿呢件波衫嗎???
對於近幾季都成日被傷患困擾嘅里奧嚟講，今季已經為曼聯上陣過11場波，出席率已經好好，就連里奧自己都好滿意，「上季為曼聯聯賽上陣咗30場，如果今年都做到嘅話，對個人嚟講係一個成功嘅球季，但點都好，總之為球隊好就得，我哋要確保今季完結後要贏得錦標。」
呢啲捧盃場面，唔上里奧，應該個個曼聯迷睇極都唔厭...