開季至今16個紅魔兵入過波 費SIR目標：100球 精選

曼聯啱啱晌對上聯賽，憑小豆一人之力包辦晒全部直接及簡接入球，得以3:2反勝阿士東維拉，佢個人仲近5場波入咗7球…而曼聯亦暫時以29球成為英超入得最多波嘅球隊，可以見到球隊攻力有幾勁，亦證明費SIR引入雲佩斯，配合朗尼、小豆同埋韋碧克嘅前鋒組合，的確有入球保證。

但唔講唔知，原來曼聯由開季至今，依家已經有16個球員入過波，唔記得有邊個? 唔緊要，依家重溫一下：

球員　　上陣次數　　入球
雲佩斯　　12(3)　　　11
靴南迪斯　6(7)　　　　8
朗尼　　　10(2)　　　 3
卡華利　　9(1)　　　　2
傑斯　　　5(4)　　　　2
蘭尼　　　7(4)　　　　2
香川真司　8(2)　　　　2
伊雲斯　　10(1)　　　 2
艾夫拿　　13　　　　 2拉菲爾　　14(1)　　　 2
韋碧克　　8(5)　　　　1
卡域克　　12　　　　 1
史高斯　　6(3)　　　　1
安達臣　　4(4)　　　　1
畢特拿　　4　　　　　1
包維　　　0(3)　　　　1
備註：上陣次數中前砷為正選上陣數字， ( )為後備上陣次數
其中傑斯、安達臣的入球於聯賽盃賽事中射入，而卡域克的一球就是在歐聯比賽中取得，其餘球員都已經晌英超開齋…
2R組合+小豆，有入球保證...
入球數字總結(截止10/11)：
前鋒(雲佩斯、靴南迪斯、朗尼、韋碧克)：23球
中場(卡華利、蘭尼、傑斯、香川真司、卡域克、安達臣、史高斯、包維)：12球
後衛(伊雲斯、艾夫拿、拉菲爾、畢特拿)：7球
總數：42球
*伊雲斯、艾夫拿同拉菲爾各自已經入過兩球波，應該係最令人意外。
現時常規後防正選入面，仲有里奧你未入波咋.....
見到咁多球員都入到波，費SIR當然開心喇，仲將今季英超入球目前set去100球 (現時為29球)，「依家成隊波有成16個球員入過波，對球隊好大幫助，諗番起2000年，當時球隊只係差3球就達100球目標，當年最後一場波又係作客維拉公園，但可惜始終都完成唔到! 當然今年達到標就好喇，但對我嚟講，我比較滿意唔係入球數字，而係入球可以分佈晌唔同球員身上。」

及後佢又講喇，「伊雲斯同艾夫拿依家至今都入咗兩球波，已經係佢哋晌曼聯歷來入球數字嘅double，都咪話唔意外，但都係嗰句，我唔會理每一場波係唔係前鋒入波，定係由前鋒射入致勝入球，對我嚟講，邊個入波都係全隊波嘅努力同貢獻。」
你地繼續努力入多啲波，仲有韋碧克呀，加油!!!唔理邊個入波都好，都一定係全隊貢獻...keep going, UNITED!!!