蘇斯克查談執教曼聯夢!

曼聯專區 於 07/11/2012 發表 收藏文章
有傳爵爺今年攞到英超冠軍就會急流勇退,邊個接班亦已經係人人都想問嘅問題。哥迪奧拿、摩連奴固然係大熱,娃娃臉殺手、前20號波衫的主人蘇斯克查亦成日傳會返曼聯,最近佢就對此作出回應噃!

問到會唔會教紅魔,蘇斯克查咁講:「我未天真到認為自己有能力教曼聯住,不過做人一定要有夢想,唔係同條鹹魚有咩分別?我真係有呢個夢想架!不過一步一步嚟啦,教英國球隊我都想架!只係呢一刻我都係想留喺挪威先,教咗2年之嘛,仲有好多嘢學,唔急嘅,總有機會返英國。我知有好多球隊對我有興趣(好似維拉、布力般),不過我同佢哋解釋過,我仲係起步階段,好多嘢唔識,唔好跳得太快住!等我留多陣喺莫迪先啦!」

唔好咁謙噃!你都教過曼聯架!預備組都係紅魔之一,唔好唔認噃!加上現時娃娃臉殺手執教莫迪的成績有目共睹,2007年先降班,08年重返挪超,而上季由蘇斯克查領軍之下已經奪得聯賽冠軍,甚至有機會達成連霸,好明顯唔係虛火!而且邊個話年紀輕一定唔得?摩連奴教波圖都係39歲,同今日嘅查哥咁高咁大!而摩連奴取得歐聯冠軍都係41歲之嘛!所以蘇斯克查下年帶曼聯,邊個敢話唔得?
真係好型噃!
標籤: 蘇斯克查  

留言


請按此登錄後留言。未成為會員? 立即註冊
    快捷鍵:←
    快捷鍵:→