曼聯專區小評:新.紅魔無翼革命

曼聯專區 於 23/10/2012 發表 收藏文章
喺好耐好耐之前,大約係50年前,曼聯曾經用過一個好強嘅陣式,以名將斯泰爾斯(Nobby Stiles)作為中場攔截的主力,搶到波之後就交俾前線嘅卜比查爾頓作致命攻擊。不過呢個時候,卜比sir身份唔係翼鋒,而係一個自由人,游走中場同對手禁區之間。而且呢個陣一個winger都無仍然可以如此強大,所以後人將呢個陣譽為「無翼奇蹟」…
左:斯泰爾斯 右:卜比查爾頓

自此,曼聯再無用過無翼陣,一個又一個的強大翼鋒在曼聯長大、成名,而用翼就成為曼聯的招牌之一、傳統之一。由名宿佐治貝斯開始,到長青左翼傑斯的掘起;簡察斯基、碧咸,甚至堪稱世上最強翼鋒C朗拿度,都係曼聯打翼起家,慢慢咁魔翼好似已經成為必然。不過,呢個情況可能即將改變,因為爵爺已經靜靜咁開始咗紅魔嘅無翼革命…
佐治貝斯簡察斯基
一代魔翼兩代同場

自聯賽盃爵爺初嚐無翼陣的效力之後,對紐卡素、歐聯對克魯日,爵爺都放手試下鑽石陣,無論對強敵還是一般隊伍,呢個打法都取得成功。爵爺話:「我哋打鑽石陣好成功。曼聯一直以來左右翼都係好重要,甚至成為傳統,不過依家我要做決定去改變。呢個一定係一個革命,因為唔用翼簡直就係反曼聯歷史嘅行徑!我咁樣揀係因為香川真司在前鋒的後面支援,可以有好好嘅果效,加上卡華利都係好適合打鑽石陣,所以我會用多啲呢個陣。要令自己的隊伍變強,其中一個方法係令人估你唔到。對手必須估計你用邊個陣,因為我哋依家鑽石陣同442陣式都出得,將會更加增強曼聯的侵略性。」

依家嘅曼聯就好似一隻有轉化能力嘅紅魔,上半場的紅魔可能無翼,但擁有無堅不摧嘅三叉戟;下半場換一換人,就已經成為帶翼紅魔,可以拉闊戰線,令對手疲於奔命。如此嘅「無翼革命」,可唔可以令曼聯再次奪得英超寶座?就等我哋拭目以待!
魔翼其實仲有!仲唔少!
再加埋魔刀...
今季仲唔大開殺戒?

留言


請按此登錄後留言。未成為會員? 立即註冊
    快捷鍵:←
    快捷鍵:→