雲佩斯：我同朗尼只會越嚟越夾

打完對史篤城嘅比賽，朗尼就讚到雲佩斯上天啦，不過今次到雲佩斯讚佢！佢咁講：「一切都越來越好，我同朗尼的默契一日比一日強！自從我哋合作之後，人人都見到架我哋有幾夾，有幾幫到大家！講返場比賽，有時朗尼打前啲，有時我打得前啲，如果我哋都走咗邊、打後咗，韋碧克就補上前，咁打真係好有威脅。印象中，呢個陣都係打過兩三次，打熟咗就會更有威力！
依家嘅曼聯可以由任何一個角度入到波，好似第一球就係左路出波，朗尼的頭鎚破網。之後就係一個低角度出波，加埋第三球右路出波、第四球角球助攻，真係好多攻擊模組！呢個絕對係曼聯點解咁強嘅原因，因為對手跟本唔可能防到咁全面嘅攻擊！」

雲佩斯的講法真係幾啱架！如果有埋香川同小豆，就會有埋中距離射門、禁區小豆的極速入楔、而蘭尼同楊格嘅驚人突破都未計入內！所以攻力可以話一時無兩，不過問題就係後防可以改善幾多喇！