迪基亞唔開心要返鄉下？？ 精選

弊傢伙！弊傢伙！紅魔好不容易先搵到迪基亞同連尼加特兩位強大門將代替雲達沙，二人一個年輕、大把前途；一人經驗較多、穩健非凡。然而突然傳出消息，小狂牛迪基亞在曼聯唔開心，想返西班牙！
卡仔：真係走？我嬲架！
消息來源係西班牙本土網站elconfidencial.com，話迪基亞同經理人孟迪斯咁講，話自己開季到依家都坐幾多冷板凳，係佢始料未及嘅。因為咁佢開始無耐性，想返西班牙咁話！而孟迪斯，亦係蘭尼同c朗嘅經理人，已經開始密謀將迪基亞運返西班牙，而目標球會就係皇家馬德里！我害咗你，都唔駛走架？拍拍手，咪無事囉！
不過筆者自己就覺得呢個機會應該唔大，其實明眼人都見到爵爺鍾意迪基亞多過連尼加特，用咁大筆錢買一個後生門將，仲有咁多出陣機會，迪基亞的地位有幾高大家都一定睇得到，迪基亞自己無理由唔明嘅！所以筆者認為，只要爵爺好好哋同佢傾下，就搞得掂架喇！