七小福畢特返曼聯喇!!! 精選

七小福入面大家記得幾多個呢? 碧咸、傑斯、史高斯一定記得喇，但我相信畢特大家都唔會忘記，特別係佢前幾年仲特登嚟到香港加盟南華踢波…但畢特最新下一站就係——重返曼聯喇，但今次唔係踢表演賽喎，今次係返嚟曼聯幫預備組!!!
畢特返曼聯喇!!!
對於呢位為曼聯上陣近400場嘅防守中場，費sir就話喇，「畢特將返嚟預備組做教練，佢依家已經完成咗教練COURSE，日後就會晌預備組吸收一下做教練嘅經驗。其實佢有機會出任其他工作呀，之但係當佢有機會返咗嚟曼聯訓練場幾次之後，就做出呢個決定，當然對曼聯嚟講一定係好事喇，事關佢必定係一位好好嘅員工。」

當被問到佢之後會唔會長留曼聯出任教練，費SIR就話：「我都唔知佢未來係點，只係知佢依家會幫助一班預備組球員。」

七小福：傑斯、碧咸、史高斯、加利仔、菲臘仔、畢特，仲有一個就係基利士比!!!