蘭尼：史篤城好撞得！ 精選

蘭尼呢排都算係多新聞喇，又傳佢夏天走人，祖雲達斯同ac米蘭都想要佢！不過佢好似懶理傳聞，打完葡萄牙的國際賽之後，就同大家講佢會專心球會比賽咁話！對於明天對手史篤城，佢好似有自己一番意見噃！

佢咁講：「對史篤城一向都唔係容易，因為佢同其他英超球隊有啲唔同，佢哋好體力化、好強壯，而我可以預見空中戰會係比賽主調。所以我哋更加需要打得硬淨先可以贏。不過有主場之利，我相信呢3分唔難攞嘅，不過主場的比賽真係好重要，贏到嘅都想贏！上仗對紐卡素大家都好開心，因為打得唔錯，所以我都好有信心由呢場開始打順隊波！我哋無咩長期目標，只係希望贏波，守住榜首就得。」
呢篤史？我食硬！
不過對於國際賽為球隊帶來嘅疲憊，蘭尼都有啲擔心，因為大家都要走走踢踢、舟車勞頓，好在訓練場有好好嘅設備俾大家休息同回復！希望唔好影響到曼聯的比賽就好喇！只係蘭尼無提過自己離隊傳聞噃，筆者就認為佢真係唔應該走，計效率其實佢比當年的c朗有過之而無不及，而且突破能力係英超入面數一數二，有狀態時真係無咩人夠佢跑！有佢同楊格、華倫西亞在隊，咁就算有咩傷病都有翼可用啦！唔通真係場場都打鑽石陣，塞爆中場雪凍翼咩！
http://www.youtube.com/watch?v=KOmt10eFasM射多啲呢啲波，爵爺第一個就同你續約啦！