卡域克:韋碧克天份真係好高

曼聯專區 於 18/10/2012 發表 收藏文章
一班曼聯迷一直都唔認同韋碧克晌隊中嘅表現,一來佢暫時到依家都未能取得入球,又被批評白白浪費咗曼聯好多入球機會喇,二來當然就係佢同大家好愛嘅「小豆」爭位,令「小豆」上陣機會大大減少,從而令到好多曼聯迷都唔太鐘意佢,之但係近日佢球會兼國家隊隊友卡域克就為佢大平反,仲話:「韋碧克天份真係好高呀!!!」

卡域克就話喇,「我係韋碧克個super fans嚟呀,可能大家都係隊友喇,之但係當我一見到韋碧克,我就對佢好大期望,雖然好多人都話曼聯簽咗雲佩斯之後,韋碧克上陣機會及對球隊嘅作用亦大大減少,之但係佢依家向外界證明咗佢對曼聯依然好重要,只要佢保持到周五對聖馬力諾時嘅表現,佢一定係一位好出色嘅前鋒。」
雲佩斯加盟後,令韋碧克今季正選上陣機會減少。

卡域克之後繼續sell韋碧克喇,「佢可以為隊友製造入球,又可以入波,又打得唔同位置,邊線、前線都一樣得,而且佢從來都好謙虛,唔會自滿,佢日後一定係前途無限。

韋碧克的確係有天份,唔係費sir都唔會比咁多機會佢發揮,正前鋒、翼鋒今年都俾佢打過,晌場上亦的確好努力,只係仍然係無入球,晌度希望韋碧克未來發揮真係好似卡域克咁講前鋒無限,令一眾曼聯fans日後由唔太鐘意佢變成好鐘意見到佢落場打波喇。
晌度希望韋碧克日後晌曼聯嘅表現,真係可以好似對聖馬力諾場波咁,表現出眾,到時就會有好多曼聯fans like你呀喇!!
標籤: 曼聯  卡域克  韋碧克  

留言


請按此登錄後留言。未成為會員? 立即註冊
    快捷鍵:←
    快捷鍵:→