朗尼：聖馬力諾球員要埋我條波褲 精選

朗尼上場就以隊長身份帶領國家隊主場出戰聖馬力諾，仲要個人梅開二度，幫助球隊贏對手5:0，大家都應該知聖馬力諾班球員只有一個晌意大利丁組聯賽效力，而其他都係業餘球員，當佢哋可以同一班大球星對碰，當然就好似小球迷一樣喇，賽後個個都好想要佢哋啲波衫留念，但日前朗尼就講喇，佢地想要埋我條波褲!!!
朗尼以隊長身份帶領國家隊隊友進場...
朗尼就晌TWITTER都話：「當日嘅隊長臂章我一定會永久KEEP住，至於我件波衫，我已經同對手一名球員交換咗，仲連埋條波褲都俾埋佢，今次都係第一次有人咁樣要求，之前都未發生過，感覺有啲奇怪!!」
我諗內尼都無諗過有人想要埋佢條波褲...
報導就話聖馬力諾其中一名球員晌球員通道要求同朗尼交換波衫，及後就順勢要求交換波褲，當時朗尼好爽快咁答可以，仲晌球員通道脫褲，及後傳媒仲晌朗尼點解係，佢說話：「我並唔介意咁做，對佢哋嚟講，晌溫布萊可容納90000咁大嘅球場入面比賽，絕對係非常珍貴。」可見當時朗尼應該心情靚爆!!!

據稱朗尼帶KAI仔去睇史力加音樂劇，去到中段佢扭計而要帶佢走，唔知係唔係怕咗史力加? 咁如果佢見到上面個公仔，KAI仔又會點???