施維斯達：我返來喇！ 精選

曼聯的左閘好多時就係艾夫拿、艾夫拿、艾夫拿，同畢特拿，老實講畢特拿應該未完全得到爵爺信心，只係打咗一場好波之後就無咩見影。而早排大家都應該見到前曼聯左閘施維斯達出現在紅魔的訓練場中，令不少人都懷疑爵爺會唔會因為後防傷兵滿營，急召施維斯達救駕。而事實就係…

施維斯達接受mutv訪問時講：「我返來…訓練咋！幾個星期前我同爵爺傾計，因為我同雲達不來梅嘅約完咗，我會由德國返曼市住到聖誕，慢慢計劃下一步。佢一聽到我返來，就同我講：『返來同曼聯一齊操練啦！你可以喺呢到keep住狀態，直到你離開曼市為止。』所以我就返來lu。同一班紅魔一齊操練真係好好，令我感覺到自己仍然有能力打英超。我仲好fit，更重要嘅係我仲好渴求比賽，所以我會以呢個level嘅比賽做我嘅搵工目標！我同曼聯仲有好密切的聯絡，雖然我離開咗幾年，不過呢到我差唔多人人都識。」
佢真係識架！一齊操點會唔識？
施維斯達由1999年去到2008年在曼聯馳騁，之後先後去咗阿仙奴、雲達不來梅，直到無約在身先返到曼市。不過今年已經35歲嘅佢，要再加入曼聯一隊睇嚟可能性不大，雖然佢仲好熱愛足球，不過總不能打一世波架！所以佢亦已經開始咗自己嘅冧酒生意，而返到英國的原因之一就係佢要參加英國嘅冧酒節，宣傳自家製甜酒。而佢仲話，諗住由法國、瑞典、英國開始賣，賣到全世界添！你都咪話唔勁！
你冧唔冧啫？