Kai仔明年做哥哥喇!!!

10月11日的確係喜事重重，先係我哋偉大名宿卜比SIR嘅生日之外，今日曼聯仲有另一個喜事新聞，就係朗尼明年5月再做爸爸喇!!
高蓮日前晌twitter公佈喜訊!!!
據《英國太陽報》表示，朗尼妻子高蓮噚日晌twitter公佈喜訊，佢就話喇：「我諗有啲人都估到我想講咩呀喇，咁就等我依家晌度公佈喇，我、朗尼同埋Kai仔依家都非常興奮，大家都好期待呢位新成員晌出年五月加入我們嘅大家庭。」而高蓮更向外透露，佢都係上個月先知自己懷有身孕，雖依家只係初期，但都對於呢個消息極為激動，急不及待要向外公佈這個喜訊!
明年5月朗尼一家就有新成員喇!!!
一眾英國傳媒當然就去推斷一下佢哋幾時製造出呢個愛情結晶品出嚟喇，計一計時間，原來晌朗尼對富咸場波隻腳受傷而要晌家休養嘅時侯，就俾到機會佢為家庭帶嚟新家庭成員!!!

高蓮一公佈消息後，收到數以百計嘅人留言去恭喜佢哋，就連佢老公朗尼亦有留言，輕輕一句：「感謝妻子。」睇嚟上月講到明做咗爸爸後而表明行為要檢點啲嘅朗尼，依家責任又大咗，應該會更加成熟喇!!!
就快滿3歲嘅KAI仔，下年就做人呀哥喇!!!
KAI仔：爸爸，我之後唔洗只係同你玩喇...