安達臣擔憂「沒有費sir的日子」 精選

除咗史高斯退休搵接班人之外，另一個人退休都要搵接班人，仲已經講咗好幾年添…呢個咪就係費sir囉!!! 費sir為曼聯贏過12次聯賽、2次歐聯以及5次足總盃冠軍，而佢退休一事都傳咗好幾年，雖然佢多次都出嚟澄清，但大家都知教咗曼聯26年、現年70歲嘅費sir始終有一日退落嚟…而近日，隊中成員之一嘅安達臣就公開話有啲擔憂費sir退休後的曼聯。
費sir教咗曼聯26年，為曼聯贏過12次聯賽、2次歐聯以及5次足總盃冠軍...
安達臣就話喇，「曼聯就好似係費格遜一樣，無咗佢，球隊得勝率就好似會急降3至4成，球隊贏唔贏到波，就好睇有無費sir。佢就好似我哋爸爸咁，係一位好有尊敬嘅人，佢退休嘅時候，整個球壇都會為佢而感到可惜。」

講到佢同費sir關係喇，安達臣再講：「佢好幫我呀，而且影響我很多，佢成日都睇我哋操練，仲好關心球員甚至佢哋嘅家庭。」
費sir都放咗好多心機晌栽培安達臣身上...
安達臣對於費sir咁照顧佢，非常感激。