費SIR：前鋒夾埋要入40球 精選

尹佩斯8場入咗7個波，當然大家好開心喇，事關曼聯前面入球能力依家完全無問題，之但係另一方面又怕尹佩斯好似上年晌阿仙奴咁，成為「單天寶至尊」，全隊波都靠晒佢，咁的確對隊波同其他球員嚟講都唔係咁好，但原來費SIR已靜雞雞同佢哋SET咗目前：「前鋒夾埋要入40球!!! 」

費SIR就話喇，「晌我記憶入面，只要兩位前鋒可以入到20球之上，咁我哋就有機會可以贏到冠軍。」同大家數一數，如果無錯，依家前線夾埋入咗8球，尹佩斯一人7球，「小豆」亦有一球，朗尼同韋碧克就未開齋…
前線夾埋入咗8球...
之後佢當然就讚尹佩斯喇，「尹佩斯今季無晌曼聯同阿仙奴做季前熱身，雖然係咁，但佢特地每次訓練都額外操多一陣，令我印象非常深刻，對我嚟講，對上7場入到7球，真係好犀利，我都好滿意，相信佢體能日後會有更好改善。其實尹佩斯除咗入波外，佢傳波功夫亦都一流，睇下佢上次對熱刺交球波俾香川真司，就知佢傳波亦有一手。」

及後費SIR又解釋點解上場用3箭頭：「其實朗尼近幾年都打晌前鋒後一格位置，今場亦都係，「小豆」上場波牽引兩個中堅，令到朗尼同尹佩斯有多啲空位。」
尹佩斯，真係好勤力...
「小豆」上場波牽引兩個中堅，令到朗尼同尹佩斯有多啲空位...