鶴臣：里奧，BYE BYE!!! 精選

晌泰利宣佈退出國家隊之後，大家最關心嘅當然就係因為有泰利而無得打英軍嘅里奧，擁有81頂CAP帽嘅里奧，依家佢嘅眼中釘走咗，令外界覺得佢有機會入選番大軍，以經驗統領住後防，令鶴臣公佈10月12日在主場溫布萊對聖馬力諾，以及4日後作客華沙鬥波蘭嘅賽事點兵，受到外界關注。
泰利OUT，里奧一樣要OUT...
早前費SIR就叫過里奧專心曼聯賽事就算，「里奧當然有能力入選國家隊喇，呢點我一啲都無懷疑過，之但係對我嚟講，我就覺得佢唔應該入選，佢應該專注晌曼聯嘅球員生涯…傑斯同史高斯依家仲可以繼續晌曼聯效力，如果里奧好好照顧自己，保持水準，同處理返好背傷，他應該可以好似兩老咁繼續踢落去。」雖然係咁，但里奧就無公開過佢退出國家隊…

而晌10月4日，鶴臣公佈咗大軍名單，當中搵唔到里奧個名，佢就話喇，「我好懷疑里奧仲適唔適合打英格蘭國家隊，事關佢都成年無入選過，我只可以講里奧都竟嚟34歲，同埋又咁耐無入選，佢晌國家隊嘅生涯都的確都係時候完結!!!」
里奧同國家隊講BYE BYE!!!
而晌曼聯大軍入面，就有四名球員入選，包括中場基華利同卡域克，以及前鋒朗尼同韋碧克，卡域克對於入選就好開心：「今夏休息咗一段時間，幫助咗我晌季初表現得好好，依家好開心可以重返國家隊，希望可以打多幾場比賽喇，我依家只得31歲，未想退落嚟，如果可以代表國家打到大戰就最好。晌度真係好多謝鶴臣揀我入隊，希望我可以打出佢預期表現。」
另一方面，卡域克就好感謝鶴臣..
英軍大軍名單如下：

門將：
費沙科士打（些路迪）、赫特（曼城）、魯迪（諾域治）
後衛：
拜恩斯、菲臘積基卡（愛華頓）、加利卡希爾、艾殊利高爾（車路士）、傑比斯（阿仙奴）、格連莊臣（利物浦）、尼史葛（曼城）、梳高斯（史篤城）、基爾獲加（熱刺）
中場：
卡域克、基華利（曼聯）、謝拉特（利物浦）、阿當莊臣（新特蘭）、艾朗連儂（熱刺）、林柏特（車路士）、占士米拿（曼城）、阿歷士張伯倫、禾確特（阿仙奴）
前鋒：
安祖卡路爾（韋斯咸）、迪科爾（熱刺）、朗尼、韋碧克（曼聯）梳高斯首次入選...