艾夫拿：朗尼尹佩斯缺一都唔得

朗尼同尹佩斯晌對克盧日場波終於今季第一次拍住正選上陣，結果尹佩斯梅開二度，朗尼亦都係「2」，就係交出兩個助攻…雖然對熱刺場波朗尼後備入替，最終未令球隊收復失地，但係朗尼入咗場之後嘅表現，的確令隊波生晒…正正因為朗尼嘅影響力，艾夫拿就出到聲話：「唔好忽視朗尼!!!」
朗尼晌隊波到咁重要，點會忽視佢呢...
艾夫拿就話喇，「朗尼同尹佩斯都係技術一流嘅前鋒，好慶幸球隊入面有兩人口個咁出色嘅射手，依家大家都想焦點放咗晌尹佩斯身上，感覺曼聯成為一人球隊，之但係唔好忘記朗尼嘅表現，大家要記得對熱刺一役，佢一入場成隊波風格都唔同晒，深信佢兩個可以共存。」

「每一次有新球員加盟，大家都佢期望都好大，從而忽略舊有球員，尹佩斯的確好出色，大家自不然都想表現一下自己，證明自己可以同尹佩斯合作，正如朗尼同其他球員一樣，亦係以好表現嚟證明自己實力，大家都希望以最好表現來為球隊踢波。」
大家都希望以最好表現來為球隊踢波...
唔洗艾夫拿出聲，大家都知尹佩斯同朗尼對曼聯嚟講好重要，之但係艾夫拿就慘，佢近年已經常受到批評，周中場歐聯輸的一球，又俾傳媒話正正就係艾夫拿晌防守上失位，仲講到下場對紐卡素再出佢，只會更危險，攪到個個都想費SIR出畢特拿多過佢…睇怕艾夫拿都依家係先專心爭取表現喇，因為佢唔係曼聯「非缺不可」….
艾夫拿應該要擔心自己表現，多過要擔憂尹佩斯同朗尼共存問題，呢個留返俾費SIR解決喇...