克盧日 對 曼聯 賽前預告

曼聯專區 於 03/10/2012 發表 收藏文章
克盧日 對 曼聯

曼聯今場波無傑斯、史高斯同卡域克,中場應該會以活力取勝,相信基華利同安達臣可以大有機會上陣,而費SIR賽前講到明,球隊唔可以再咁慢熱,對修咸頓、利物浦同熱刺場波都有呢個毛病,仲希望上場上半場嘅表現唔好再出現,唔希望球隊只係強於下半場,亦唔好因為上半場表現不濟而落後。

另外,克盧日近期表現不俗,晌首輪歐聯分組賽作客2:0擊敗布拉加,證明實力唔可以小覷,加上佢哋晌上周其本土聯賽先大勝5:1,主場已連續保持9場不敗,或許有機會令曼聯失分。
克盧日近期表現不俗...

比賽資料:
比賽時間:香港時間10月3日 (星期三) 凌晨2:45
地點:克盧日主場 (羅馬尼亞)
遠赴羅馬尼亞對曼聯嘅 21人大軍名單:
門將:迪基亞、連迪加特
後衛:畢特拿、艾夫拿、伊雲斯、里奧費迪南、米高堅尼、拉菲爾達施華、活頓
中場:安達臣、基華利、費查、連尼特、蘭尼、包維、東尼菲夫、香川真司
前鋒:查維亞靴南迪斯、朗尼、尹佩斯、韋碧克


預計陣容:
1. SOURCE: GOAL.COM
曼聯(4-4-2):
門將:迪基亞
後衛:拉菲爾達施華、里奧費迪南、伊雲斯、畢特拿
中場:基華利、安達臣、費查、蘭尼
前鋒:朗尼、韋碧克
2. MUFC LATEST

3. FOOTBALLUSER.COM

賽事睇頭:
1. 今次係雙方首次晌歐聯賽事碰頭,亦係雙方歷嚟第一次交手
2. 克盧日現任教練安杜尼曾經晌2004-05年執教布格勒斯特星隊,當時佢曾經帶隊晌歐聯對過曼聯,但被曼聯所擊敗。
3. 對上12場主場比賽,克盧日只係有兩場波可以保持不敗之身
4. 上年曼聯歐聯小組賽賽事,就係作客羅馬尼亞球隊加拉治先攞到作客3分,其他對賓菲加同巴素利都失分而回。
5. 如果今場波贏波,就係曼聯晌歐聯比賽中第100場比賽勝利。
6. 曼聯對上一場波一共有21個犯規,冠於咁多支歐聯球隊。
費SIR賽前講到明球隊唔可以再咁慢熱...
估計朗尼今場會正選上陣,..
標籤: 克盧日  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→