曼聯專區小評：「雙紅會」球星對對碰 精選

(3)雙「紅」新人類——祖阿倫 VS 香川真司

祖阿倫係今年利物浦另一個表現好好嘅中場，佢由史雲斯加盟，一直跟隨羅渣士，好明白羅渣士戰術運用，亦係佢依家暫時晌隊中中場表現突出嘅原因之一。佢打防守中場位置，等謝拉特可以放心上去攻，而且佢交波亦不俗，為利物浦晌地面戰中創造唔少射門機會，暫時有當年沙比阿朗素晌利物浦嘅影子。
曼聯呢邊當然有香川真司喇，多年嚟曼聯等緊嘅進攻中場位置，今年終於由香川仔取代，佢交波功夫的確唔差，經常為球隊製造一啲入球機會，加拉塔沙雷一仗正正就係香川助攻，加上佢走位靈活，令到隊友好容易就將個波交到佢身上，等佢發動攻勢，不得不承認香川加盟後，曼聯晌禁區頂小組入滲機會多咗，創造力提高。

(4)力爭正選——舒爾菲 VS 查維亞靴南迪斯

舒爾菲本來唔係利物浦正選一員，但晌剛剛作客對年青人場波，佢尾段個人梅開二度，為利物浦反勝5:3，以佢依家嘅表現，絕對有得做正選，但就睇下羅渣士點排陣，就算無正選，都應該今仗會後備入替。
「小豆」最好場場都打正選，呢個一定係一班曼迷心目中嘅說話，但偏偏佢依家就晌尹佩斯、朗尼同韋碧克之後，成為第4前鋒，但佢晌禁區位搶點、不斷走位同好勤力，令後衛好難MARK佢，雖然對加拉塔沙雷一後浪費咗唔少入球機會，但希望對韋根一役今季開齋，加強咗佢嘅信心，希望今場波可以見到佢落場，爭取好表現，為曼聯正選一席加油。