連迪加特：唔准炒冷飯！ 精選

上一年歐聯賽事紅魔早早出局，唔單止爵爺唔開心，一眾球員都一直未能釋懷。歐聯初賽前夕，最近擔大旗嘅門將連迪加特亦警告一眾隊友唔可以再輕敵！

佢咁講：「大家一定要做得更好，上年諸事不順，今季一定要一洗頹風！上年我哋實在太大意，尤其係對巴素利一場波(最後賽果3:3)實在不能接受。太令人唔甘心喇，控制哂戰局但自己放軟手腳令球隊出局。今季絕對唔可以再炒冷飯，唔可以重蹈覆轍！

我哋必須在今年贏返所有的榮耀，因為呢個就係曼聯的風格。抽到好籤係好係壞我唔知道，我就係知歐聯比賽對邊隊都好，都係好特別好有紀念價值嘅比賽。隊隊都係各國嘅top 3球隊，你點可以掉以輕心？每個賽前準備都好重要！」

大家都應該好記得，上季抽到的都係「疑似」好籤：賓菲加、巴素利、加拉治，不過最後爆冷出局。今年都係「疑似」好籤，對手分別係布拉加、加拉塔沙雷、CFR克盧日，如果再一次在好籤的情況下出局，勢必大大影響軍心，所以絕不能再掉以輕心！
迪基亞：聯歐先嚟唔出我，唔通爵爺都唔中意我？連迪加特：我都唔可能出哂咁多場啦！唔怕噃兄弟！