雲達沙:無諗過要復出

曼聯專區 於 17/09/2012 發表 收藏文章
退休過後再復出嘅史高斯,啱啱為曼聯上陣700場,仲射入一球波,交波同閱讀球賽能力仍然有一手,絕對係「寶力未老」,另一邊相,同佢一齊退休嘅雲達沙,近期接受訪問時就話,「我無諗過復出喎!!!」原因係同曼聯兩位門將迪基亞同連迪加特有關…

晌曼聯效力咗6個球季嘅雲達沙就話喇,「晌我去紐約之前,我會返去曼聯睇球隊比賽,我會同迪基亞、連迪加特分享一下個人心得,但對我嚟講,我覺得依家曼聯兩位門將都好穩健,根本唔需要我復出。迪基亞係一位好高質素年青門將,佢晌馬體會效力時已經表現出佢嘅質素,絕對係球隊未來重要資產,球隊亦視佢為我接班人。依家迪基亞應付高空波成為咗傳媒對佢嘅焦點,我亦特登同曼聯門將訓練員傾過,佢話門將每一個決定都會成為傳媒放大嘅焦點,失波時就變得更加嚴重,迪基亞仲好年青,有好多場上決定其實已經做得好好…」
迪基亞係雲達沙接班人...

「連迪加特亦好穩健,如果兩個門將都傷晒嘅話,曼聯受傷兵問題困擾時,到時我或者會好似早幾年前嘅列文咁,返番嚟曼聯復出。」雲達沙將會晌11月份參加紐約馬拉松比賽,所以稍後佢會移居到紐約練跑。
雲達沙將會晌11月份參加紐約馬拉松比賽...
標籤: 曼聯  迪基亞  雲達沙  連迪加特  

留言


請按此登錄後留言。未成為會員? 立即註冊
    快捷鍵:←
    快捷鍵:→