曼聯小報新聞總結 精選

卡域克：
卡域克近日向傳媒講及點解曼聯需要尹佩斯，佢就講喇：「尹佩斯你一位世界級選手，大家都知只要好合適交到個波俾佢，佢就可以變成入球，呢樣正正就係每一隊需要嘅球員，亦令球隊上下都會好滿意。」
蘭尼：
辛尼特晌俄超轉會窗關閉之前，承認出價25m收購蘭尼，而辛尼特最終收購失敗，佢哋就公開話蘭尼轉會唔成，係因為佢獅子開大口，要求一份巨約，最終雙方晌合約傾唔成而告吹，咁即係話，曼聯其實接受佢哋25m出價? 睇嚟蘭尼日後未來日子爭取表現，晌費sir到攞番啲分…
麥古洛治 （Luke McCullough）：
有「新伊雲斯」之稱兼係曼聯青年軍隊長嘅18歲北愛爾蘭小將麥古洛治，近日捲入性醜聞，晌利物浦市夜店門口，俾閉路電視拍到佢同金髮少女半裸「打野戰」，其後警方曾經叫過佢哋著返衫，但佢哋不久之後又再愛火重燃，繼續再公開發生性行為。及後兩人都俾人拘捕，而麥古洛治扣留數小時之後得到獲釋。
保特：
保特日前回應曼聯領隊費sir邀請佢下年踢慈善賽一事，保特聽到之後，表明好想踢呢場波，睇嚟佢真係好想為曼聯效力。

曼聯球場新聞：
近日曼聯晌卡靈頓訓練場外實施車輛禁泊令，但唔講唔知，原來晌度附近有一個熱門放狗嘅地方，一班養狗居民都會駕車去到嗰到放狗，並晌訓練場外圍泊車。點知因為咁，影響到一班曼聯球星，認為太多車輛阻住條道路，令佢哋好難駕車入訓練場，所以球隊因此實施禁泊令，外來人士唔可以再晌嗰到作泊車用途。可惜咁嘅舉動，俾呢班人大罵，話曼聯太霸道，而會方就表明呢個行為只係想減少道路擠塞情況，而唔係阻止居民放狗。