費倫天拿：瀟灑哥，俾返機票錢我哋!!! 精選

「瀟灑哥」貝碧托夫最終由曼聯轉投富咸，但過程就氹氹轉，一時去費倫天拿，一時去祖雲達斯，依家雖然佢可以繼續晌英超搵食，但原來佢仲有手尾跟…

咩手尾? 咪就係機票錢囉…事緣費倫天拿一早同曼聯傾好，又已經同貝碧托夫就個人條款達成協議，就諗住拿拿臨叫佢過嚟體測，完成轉會喇，費倫仲好有心，買定兩張頭等機票俾佢同經理人，點知佢哋最終真係有搭飛機，但就唔係去佛羅倫斯，而係去咗祖記嗰到，攪到一眾費倫天拿粉絲在機場白等一場…

估唔到轉投富咸，仲有手尾跟...
費倫天拿晌成件事上面嬲到生蝦咁跳，第二日即刻公開暗罵祖記，但兩隊最終咪又係得唔到貝碧托夫加盟…咁以為事情過去喇，個人都去咗富咸，誰是誰非都由佢喇，點知費倫天拿體育總監柏迪日前就講喇：「好開心貝碧無嚟到費偏天拿，我都未見過有人係咁樣喇，張機票係我哋俾錢嘅，我會同佢經理人講，要佢俾返機票錢我哋，係100%全數賠償!!! 」

貝碧托夫好好定想搵個新球會落班，最終竟然變成呢個結局? 究竟誰對誰錯? 應該係費倫天拿大方啲，由佢呀…定係貝碧要俾返錢人呢….

柏迪：俾錢呀，無搭過架機就唔洗俾呀喇...