史高斯：我可以功成身退喇!!! 精選

曼聯老大哥一個個爆發，先有傑斯的小陽春，再有尹佩斯口中腳腳致命、傳球準繩嘅史高斯！上仗佢一落場成隊波回哂魂，真係家有一老如有一寶！不過再鋒利嘅寶刀都有生鏽嘅一日，史高斯已經掛過一次靴，總唔可以不斷幫曼聯打天下。大家擔唔擔心？唔駛擔心，因為史高斯已經暗示咗自己有接班人喇！係邊個？咪係香川真司囉！

佢咁講：「香川仔好聰明，佢最鍾意走位，走嘅位往往係對手好難mark，不過隊友就好易交到波嘅位置！我認為佢好夾依家嘅曼聯打法，將中場同前鋒好緊密咁連繫埋一齊，我深信個個紅魔鬼隊員都鍾意同佢拍檔上陣！我好喜歡見到同一個位置上有新隊友加入，咁對球隊而言好健康。尤其今年，陣容真係強咗好多！雖然後衛傷兵問題仍然好大，不過只要人人都健健康康，人腳多到有兩隊人俾爵爺揀，足夠應付聯賽加盃賽的多條戰線。」
接班人：香川真司

另外，佢都有講另外幾位新兵...
鮑維：佢表現好好呀，依家字有好多一隊上陣時間，但咁後生，來日方長喇..尹佩斯：尹佩斯係球隊最佳收購，希望球季一路進行當中，大家彼此會更加了解喇...
畢特拿：佢只係晌U21賽事到上過陣，表現好好，但正選競爭好大...

香川最舒服的位置就係中場與前鋒之間，做鋪橋搭路的工作之餘亦可出擊強攻，呢個位正正就係當年史高斯最如魚得水嘅位置。加上香川的準繩交波、有力的中距離射門、高度的創造力，都令人聯想起當年嘅史高斯。唔通新史高斯唔係小豬、唔係摩迪、史奈達、卡華利，而係香川真司？？