奧雲：我有班落喇!!! 精選

今夏被曼聯放棄嘅前鋒奧雲，晌轉會窗關閉之前都未有班落，但事關佢係自由身球員，所以到依家都可以自己加盟其他球隊。

早前曾經傳佢會返番佢利物浦，事關利記借咗卡路爾去韋斯咸，諗住簽到丹普西，點知最終又係輸咗俾熱刺，攪到依家無前鋒用，但轉會窗又關咗，所以唯有晌自由身球員埋手，傳下傳下就傳到簽奧雲喇…今日利物浦已澄清無意簽奧雲，但奧雲晌TWITTER到表示，「我有班落喇!!! 」佢首先晌TWITTER到公佈有關自己嘅轉會一事已經差唔多完成，之後祖爾巴頓就晌TWITTER問佢會加盟邊一隊，佢就咁覆：「星期三答你喇! 」

據ESPN SOCCERNET報導，史篤城簽入奧雲可能性好高，佢哋將會同奧雲簽下一年合約 + BONUS，史篤城領隊普利斯的確想簽奧雲，只要中間談個人條件無咩問題，佢哋簽入奧雲嘅可能性好高。
其實除咗史篤城之外，早前亦傳過愛華頓、新特蘭同埋澳洲球隊墨爾本雄心都想簽佢。之前企硬要踢英超嘅奧雲，睇怕願望已經可以達成，晌度希望奧雲加盟新球會後唔好再成日傷喇，好好踢波!!!