貝碧托夫：費SIR對我失去尊重 精選

貝碧托夫曼最後一日轉會窗關閉時，終於以5M轉投富咸，都可以話經過展時間無得上陣後，終於可以離隊他投。

「瀟灑哥」日前就向傳媒講番佢晌曼聯四年嘅職業生涯，佢一嚟就講到明覺得晌最後一年，費SIR對佢失去尊重，佢相信佢晌曼聯係唔應該有咁嘅遭遇。

佢就話喇，「我唔覺得我應該晌曼聯受到咁樣嘅對待，竟然晌最後一年效力曼聯時，時常都無正選打。當時我曾經不下10至15次同費SIR講，究竟球隊仲需唔需要我，雖然每次嘅答覆都換嚟自己係球隊嘅重要球員，係唔應該離隊，但好可惜最後都係無得出場。」
「瀟灑哥」晌曼聯嘅日子已成過去...

「可能我應該一早醒覺，應該晌2011年歐聯決賽無得上陣時，就應該離開曼聯，但我好明白佢係領隊，佢係決定派邊個球員上陣的人，但俾我嘅感覺係，費SIR晌後期，對我失去某程度上嘅尊重。」
「對我嚟講，我好難可以接受佢嘅決定，事關我亦有自己嘅尊嚴，我起碼曾經為球隊射入過好多入球，又成為過神射手，又贏過2次聯賽冠軍，自問我覺得自己絕對可以晌曼聯立足，不過事情已經過去，依家講返都無用，只可以唯有晌尊重我嘅人講句再見，但不包括費SIR。」

畢竟晌曼聯嘅日子已成過去，依家只可以希望「瀟灑哥」晌富咸打番好啲表現…

晌新東家爭取表現喇!!!