修咸頓 對曼聯 賽後語 精選

修咸頓對曼聯一役，曼聯靠尹佩斯後上反勝，一齊睇下入咗第100個英超入球嘅佢，以及第1000場執教聯賽嘅費SIR又點講…

尹佩斯：
場上每一個球員晌呢場波都好努力，晌度我要好好多謝史高斯，事關佢入咗場之後，佢帶動成場波嘅戰局唔同咗，佢每一球交波都做得好好，仲有幾球好靚嘅30 /40碼長傳，只要佢晌場上，就永遠會有高質素傳球出現晌你腳下，所以今場波嘅MVP應該係史高斯。

雖然球隊攞到3分，但我都有啲失望，原本嗰球12碼我想抽射，但臨出腳前突然改變咗主意，令到最終入唔到波，結果明顯唔理想。所以射入第3球之後，我心情即刻完全唔同咗，但我確實對宴客感到極之失望，因為晌球隊落後下，那球12碼真係唔應該咁樣處理。

費SIR：
球隊永不放棄。呢個係曼聯嘅宗旨，正如今場波一樣，的確係難以置信，但晌史高斯未入場之前，球隊未無一啲長傳，史高斯入場波嘅持續高質素傳球，令戰局改變。球隊上半場都算控制戰局，但球隊16分鐘就失咗一球後上力壓頭搥，呢一類型嘅波我哋上個禮拜已集中訓練，可惜都阻唔到傷咸頓打開缺口。

修咸頓晌2:1之前都打得好好，佢哋中場控球在腳兼推波上前進攻，但史高斯入場後，全場波唔同咗。尹佩斯2場入4球，當然表現好出色，相信佢之後會有更多，至於「小豆」入場後都令戰局有改變，有幾球推波做得唔錯，我好滿意佢今場表現。

至於後防仍需要改善，相信後防兩名中堅持續合作，表現就會有所提升。里奧同維迪都係今場波先夾返，里奧晌下半場表現已經有改善，只要佢兩個無傷，呢對後防拍擋應該係唔錯選擇。至於門將方面，迪基亞上場犯了錯，但相信佢會好好從錯誤中改善，國際賽後佢就會重返戰場，至於連迪加特，佢第一場英超比賽上陣，令佢表現有啲緊張，但佢一定係一位高質素嘅門將。