費SIR拍心口：尹佩斯朗尼必定可共存

一陣就會有修咸頓對曼聯嘅比賽上演，而費SIR貞一貫咁進行賽前記者會，雖然朗尼晌上場對富咸時受傷，預計會傷最少一個月，今晚肯定唔會上陣，但係一班記者依然問有關朗尼嘅問題，當然呢個亦係曼聯球迷都好關心嘅問題，就係朗尼同尹佩斯晌前線上點樣配合???

朗尼同尹佩斯晌前線上點樣配合，係大家都好關心嘅問題...
對於呢個問題，費SIR就講喇，「尹佩斯係一位流動性好強嘅球員，佢可以打好多個唔同位置，可以打右邊或者輔鋒，所以晌排陣上，的確尹佩斯可以放晌唔同位置；至於朗尼亦可以打前鋒或輔鋒，隊中只有「小豆」一定要打正中鋒位置。所以朗尼同尹佩斯一定可以同場上陣，相信韋碧克亦都可以同佢哋同時上陣。」

可能因為前線依家有咁多選擇，就連費SIR都坦白承認依家排陣好有難度：「依家排正選11人真係好有困難，大家都知，我都係根據佢咃上個禮拜嘅表現都揀人，但最重要都係要贏波而回，只要贏波，全隊上下都會好滿意，事關佢哋全都人都有貢獻。」
4名前鋒，如何決擇邊個打正選???

最後，艾殊利楊格今場上唔到陣，但佢受傷一事一早被傳媒公開，攪到費SIR超嬲，佢話喇：「點解有班隊波嘅嘢咩都要公開? 呢個就係我要晌比賽當日先決定正選陣容嘅原因，事關如果早一日排陣，咁比賽當日早上就會咩都俾傳媒報導晒，加上我哋嘅訓練，係會就比賽需要而作出改善，只要球員同經理人講，經理人就會將呢啲消息話俾傳媒聽! 」
艾殊利楊格受傷一事一早被傳媒公開，攪到費SIR超嬲...