謝拉特爆驚人內幕：費sir 曾經想簽佢 精選

咁多年嚟，曼聯同利物浦一直都係死敵，兩隊嘅球迷可以話永遠水火不熔，處處都針鋒相對，更何況話要有球員由利物浦轉投曼聯。

曼聯同利物浦，絕對係英超嘅死敵!!!
奧雲曾經效力過利物浦，但佢加盟嗰時都係由紐卡素，以自由身球員身份轉投曼聯，都唔係叫做直接效力緊利物浦而轉投，而奧雲嗰次嘅轉會，亦引起咗不少輿論…日前，利物浦隊長謝拉特接受英國《每日郵報》獨家訪問，佢竟然爆出驚人內幕，就係原來費sir 04年有諗過簽謝拉特返曼聯，代替堅尼嘅位置!!

英國《每日郵報》首先引導番費sir 04年講過嘅一番話：「如果你要搵一個球員去代替堅尼嘅話，嗰個人應該係謝拉特，事關佢係英超入面最有影響力嘅球員，每一隊都希望謝拉特加盟! 」

費sir曾表明好欣賞謝拉特....
對於呢個問題，謝拉特晌訪問就話：「呢件事都差唔多發生晌10年前，當時確實好驚訝，事關世界上兩位最出色嘅領隊都希望我加盟佢哋嘅球隊。大家聽過摩連奴有興趣簽我，呢個係事實，佢唔止一次想我轉會，04、05年晌車路士，以及2年前佢加盟皇馬嘅時候，佢都想我轉投佢其下。除此之外，另一位就係費sir，當年加利尼維利同我講，費sir想我去曼聯，當然兩支球會嘅歷史同敵對關係都話到俾大家知，呢件事好難做到，正如加利仔唔會嚟利物浦一樣，所以點都好，費sir當年同我講轉會，我一早知呢件事係無可能發生。」

兩間球會嘅球員一向對針鋒相對!!!