2012-2013歐聯分組抽籤結果 + 專區小評 曼聯抽得上上籤!!! 精選

晌30/08/2012 香港時間11:45開始歐聯分組抽籤， 先講一講就係32支球隊，晌抽籤前先分配晌4組，而嚟自同一個聯賽嘅球隊係唔會分晌同一組，即係 曼聯係唔會同曼城同一組，就算大家晌唔同POOL入面…

4個POT嘅分組：
POT 1：
車路士(上屆冠軍、英格蘭)、巴塞隆拿(西班牙)、曼聯(英格蘭)、拜仁慕尼黑(德國)、皇家馬德里(西班牙)、阿仙奴(英格蘭)、波圖(葡萄牙)、AC米蘭(意大利)

POT 2：華倫西亞(西班牙)、賓菲加(葡萄牙)、薩克達(烏克蘭)、辛尼特(俄羅斯)、史浩克04(德國)、曼城(英格蘭)、布拉加(葡萄牙)、戴拿模基輔(烏克蘭)

POT 3：
奧林比亞高斯(希臘)、阿積士(荷蘭)、安德列治(比利時)、祖雲達斯(意大利)、莫斯科斯巴達(俄羅斯)、巴黎聖日耳門(法國)、里爾(法國)、加拉塔沙雷

POT 4：
些路迪(蘇格蘭)、多蒙特(德國)、巴迪(白俄羅斯)、薩格勒布戴拿模(克羅地亞)、CFR克盧日(羅馬尼亞)、馬拉加(西班牙)、蒙彼利埃(法國)、北西蘭 / 諾斯查蘭特(FC Nordsjælland, 丹麥)
以下就係抽籤結果：
A組：波圖、戴拿模基輔、巴黎聖日耳門、薩格勒布戴拿模
B組：阿仙奴、史浩克04、奧林比亞高斯、蒙彼利埃
C組：AC米蘭、辛尼特、安德列治、馬拉加
D組：皇家馬德里、曼城、阿積士、多蒙特
E組：車路士、薩克達、祖雲達斯、北西蘭 / 諾斯查蘭特
F組：拜仁慕尼黑、華倫西亞、里爾、巴迪
G組：巴塞隆拿、賓菲加、莫斯科斯巴達、些路迪
H組：曼聯、布拉加、加拉塔沙雷、CFR克盧日


曼聯專區小評：
曼聯可以話抽得上上籤，同組只係有布拉加、加拉塔沙雷同埋CFR克盧日，起碼避過咗祖雲達斯、華倫西亞、巴黎聖日耳門，以及一直有少少剋住曼聯嘅賓菲加，出線應該絕對無問題，但各曼聯迷都講得啱，每一場波都要長途機，真係乘飛機飛咁遠，絕對有機會影響表現，所以都係晌句，雖然同上年一樣算抽到好籤，但唔好輕敵，千祈唔好好似上季咁重蹈覆切....

補充：曼聯晌歐洲賽事上從未對過布拉加同CFR克盧日，而加拉塔沙雷亦要數到去93同94年，當時兩場波嘅比數都係0-0。

至於死亡之組應該有D組同F組，皇家馬德里、曼城、多蒙特同組，絕對一啲都唔易打，但其實F組都好難打，拜仁慕尼黑實力高少少，但華倫西亞同里爾嘅實力都好近，另外巴迪亦曾經贏過巴塞，實力都OK，絕對係另一組死亡之組。
好睇對碰：
-「有錢人」對決，由皇家馬德里對曼城 (D組)
- 車路士 對 祖雲達斯 (E組)
- 拜仁慕尼黑 對 華倫西亞 (F組)
- 皇家馬德里 / 曼城 對 多蒙特 (D組)