維迪最愛？？ 精選

維迪最愛邊個女仔筆者就無細心搵過，不過其他嘅最愛，就可以親身聽佢講！曼聯官網最近在facebook上徵求粉絲想問維迪嘅問題，而佢亦揀咗幾個答咗！大家睇下佢答咩？

粉絲Joe Kisseih：你之前傷咗八個月，期間最難受係咩事呢？
維迪：老實講，8個月咁耐，無比賽就係最難受！訓練、做gym都唔難挨，因為我知對自己有好處，所以都會盡力做好。不過你見到一班隊友人人都有波打，咁自己就不其然有餓波嘅感覺，呢個真係好難頂！
做gym的維迪
粉絲Vitesh Pottloy：你仲有無打高爾夫球呀？
維迪：呢8個月無啦！未傷之前我有上過幾堂高爾夫球，不過傷咗之後就要好小心，我都唔敢再打住！對我而言，依家高爾夫球唔係最吸引我嘅活動，不過我掛靴之後就會打多啲！我都幾鍾意高爾夫球，尤其係我上咗幾堂，又見到自己進步得幾好。當然啦，雖然我越來越鍾意，不過我都會專心踢波先，高爾夫球都係玩下就算喇！
咁慘？爵爺打埋你嗰份咪得囉！佢哋都得架！

粉絲Matthew Hillock：你最鍾意邊個城市呀？
維迪：要揀真係有啲難，不過我都係會揀貝爾格萊德(塞爾維亞首都)，因為我喺嗰到有過好美好嘅時光！我去過好多城市，見過好多好正嘅建築，不過我都係最鍾意倫敦同貝爾格萊德。倫敦俾到我嘅係機會，喺呢個首都咩事都會發生！貝爾格萊德都真係幾靚架！
粉絲Saran Jareevas：你年青時的足球偶像係邊個？
維迪：我係後衛，不過好奇怪我年青時鍾意嘅都係前鋒！好似柏爾馬嘅哥倫比亞前鋒艾斯派拿，我就幾鍾意！仲有肥哨朗拿度我都ok鍾意！除此以外，我係貝爾格萊德紅星嘅大粉絲，好多隊入面嘅球員我都好鍾意！
其實你自己都打過貝爾格萊德紅星噃！不過你鍾意前鋒，即係無自己份啦？
不過最愛嘅，應該都係你老婆Ana喇！