辛尼特認出價買蘭尼 精選

第一場對愛華頓表現打得差之後，蘭尼晌第二場對富咸場波無咗個正選位，仲連後備一席都無，加上佢同曼聯傾續約一事傾唔成，佢想要13萬周薪，但曼聯只係肯俾9萬，大家相距甚遠，令到外界都認為佢依家俾費SIR打入冷宮，事關曼聯決定進行「拖字缺」，樂意將談判延至季尾，直到他肯自動降價為止。

日前，費SIR仲公開講到明，邊個唔想踢曼聯嘅,球員，球隊係好歡迎送佢離開奧脫福大門，雖然外國報章就話係朗尼，但亦有人估費SIR番話係同緊蘭尼講…

蘭尼第一場對愛華頓表現打得唔好...
轉會市場依家仲未關，一路盛傳對蘭尼有興趣嘅辛尼特，被傳會出價25M買蘭尼，時至今日，呢間俄超球智承認佢哋真係對蘭尼有興趣，「蔚於有關蘭尼嘅傳聞你真嘅，我哋係向咗球會出價，但一切都要等日後睇下嗰球員最終係值幾多錢，事關球會好難可以俾到好高價買一個球員。」

另一方面，英國《太陽報》就話蘭尼肯降低佢要求，同曼聯仲有兩年約嘅佢，見爭取加薪唔成，又怕續約一事影響佢表現同埋費SIR對佢嘅信任，同埋佢都知曼聯唔會以一個低價賣佢走，即係如果曼聯收唔到好價，佢就走唔成，走唔成又怕費SIR打佢入冷宮無得踢，所以就提出最新條件，決定保留依家9萬鎊周薪，但就加每場3萬鎊出場費…
曼聯會買佢走???

小評：
蘭尼其實的確有質素，遠射同出波質素都唔差，加上依家先25歲，但就俾人感覺表現一時時，一時都踢到曉飛，一時又真係可以突然間打得好差，加上有時都幾獨食。講真技術方面感覺佢好過華倫西亞，但華倫西亞嘅優點就係穩定，每場波都有一定表現，呢個亦係費SIR鐘意出佢嘅原因，同埋依家中路有香川真司做交波同後上，都唔洗蘭尼將波推入中路做突破，所以如果蘭尼唔保持穩定演出，晌有艾殊利楊格、華倫西亞同香川真司之下，曼聯晌好價嘅情況下，的確有可能會考慮出售。