小豆：雲佩斯？佢係我雲師兄先啱！ 精選

小豆係一眾紅魔迷嘅新寵兒，而新將雲佩斯嘅人氣亦隨住佢極速融入球隊而急升！面對雲隊長位置上嘅挑戰，小豆不但無驚過，仲矢志要跟「雲師兄」學嘢！呢個就係佢接受訪問嘅節錄喇：

記：開季2星期已經好多爆冷賽果，你點睇呀？
豆：足球就係咁，咁先好睇！你唔會知下一秒會發生咩事，因為波係圓嘅！無錯，好不幸我哋仲未擺脫得哂上年季尾嘅黑仔運，不過輸波都有嘢學到嘅。今時今日隊隊都咁強，不過就係因為有競爭性，英超先可以稱得上世界最好嘅聯賽。每一場比賽都不可以掉以輕心！所以我要心理上、體能上、技術上都處於巔峰，先可以幫球會重奪冠軍！

記：今年都好多新隊友，有成5個！你點睇大家嘅合作呢？
豆：我哋夾得好好！我好明白佢哋諗咩，因為兩年前我都係新仔，不過我見到佢哋個個都好努力，適應得好快。你知爵爺買每一個人入隊嘅原因，因為人人都有高質素，可以幫到球會。
記：雲佩斯入紅你一定好興奮啦係唔係？
豆：當然！踢到老學到老，政府都教人終生學習啦！曼聯人人都有嘢俾我學到，不過當然有世界級前鋒就更好！佢哋個個都好好人，好幫我。我知我一定會跟雲師兄學到好多嘢！

記：不過有佢就令競爭大咗噃…
豆：咁係一定架，不過邊到無競爭？我打青年軍已經要爭餐飽先有得打啦，更何況一隊！場上得11個正選，總會有人要打後備，呢個大家都明。不過呢個良性競爭對人人都好，因為每個人都要增強自己實力，等機會發揮自己。

記：爵爺話打得好，有表現就會有正選…
豆：所以我先要keep住好表現！訓練、上場，有好態度就有機會！我會幫我嘅隊友去贏返英超返來！一齊努力啦！
雲師兄：我有嘢實教你嘅小豆！