朗尼勇戰受傷四星期　《太陽報》即指曼聯賣走佢??? 精選

有睇曼聯對富咸嘅朋友，一方面當然係好開心球隊打開今季英超勝利之門，新兵尹佩斯同香川真司都有波入，令曼聯晌奧脫福主場以3:2擊敗富咸，另一方面當然就係朗尼噚日勇戰受傷喇…後備入替嘅前鋒朗尼，晌臨完場前阻截對洛達歷加罰球攻勢嘅時候，唔小心被佢啲鞋釘踏傷大腿，即刻皮開肉裂，出現咗一條好長同深嘅傷痕，最終攪到要由擔架抬離場。


賽後領隊費格遜就話喇，朗尼晌場波之後，已經即刻送咗去醫院接受治療喇，初步估計佢要養傷1個月，「呢件事係一年非常唔希望發生嘅事，朗尼依家已經送咗去醫院，睇佢個傷，睇怕都要休養4個禮拜。事關傷口太深，唔想佢傷口受到感染，所以一定要送佢去醫院接受治療，希望佢快啲好番喇。」
傷一個月，即係睇嚟朗尼很大機會踢唔到對修咸頓同韋根嘅英超比賽，同埋下個月英格蘭對摩爾多瓦同烏克蘭嘅2014巴西世界盃外圍賽賽事。

朗尼受傷片段：
http://www.youtube.com/watch?v=iNoU9C1tuqA
呢邊相講朗尼傷，另一方面今日《太陽報》就報導曼聯會賣走佢??? 點解會咁傳呀…事關就係費SIR賽後講咗呢番話…「我好尊重一啲好想為曼聯踢波嘅人，佢呢一種嘅態度，會好感染到我，令我選人嘅時候，都會將佢排晌前列心河位置上面，但相反，如果我聽到一個球員唔再鐘意球隊，並且想開始尋找新東家落班，我亦好樂意幫他離開奧脫福嘅大門。」《太陽報》就講到明，費SIR唔係一個鐘意空口講白話嘅人，如果唔係有呢件事發生，佢係唔會咁樣向傳媒講嘅…
講到主角朗尼喇，佢話朗尼晌2010年10月公開話想走，費SIR就一定銘記在心，加上費SIR又唔係好滿意佢晌場外表現，包括吸煙同成日去NIGHTCLUB…況且依家有尹佩斯，由佢晌對富咸嘅比賽擺佢晌後備就知，朗尼依家嘅重要性已經大不如前，佢依家必須同尹佩斯分配上陣時間，同埋佢呢場波好明顯走動慢咗同肥咗，令到曼聯準備只要有好價，就會賣佢走…

呢個推理就真係信不信由你??? 定係費SIR講緊嘅係另有其人???